Difference between revisions of "Events-nds"

Revision as of 10:39, 2 August 2008

Mit Begeevnissen laat sik Akschonen fastleggen, de aMule utföhren schall, wenn en sünnerlich Begeefnis vörkamen is. Disse Akschonen laat sik op de Koort Vörinstellen fastleggen.

Opstunns warrt twee Oorden vun Begeevnissen ünnerstütt:

• Daalladen beendt
• Nieg Klöönsnack

aMule lett sik so instellen, dat een vun de nakamen Befehlen utföhrt warrt, wenn een vun disse Begeevnissen vörkummt:

• Karn-Befehl
• Böversiet-Befehl

En Karnbefehl (Core-Befehl) is en Befehl, de vun en aMuleverschoon mit Karn (aMule-Dämoon oder de monolitsch aMule) utföhrt warrn kann. En Böversiet-Befehl (GUI-Befehl) is en Befehl, de vun en aMule-Variant mit Böversiet (aMule-GUI oder de monolitsch aMule) utföhrt warrn kann. Beacht, dat aMule beide utföhrt, wenn se beide fastleggt wöörn.

Daalladen beendt

För dat Begeefnis "Daalladen beendt" laat sik de nakamen Variabeln towiesen:

•  %NAME - De Naam vun de daallaadt Datei mit vull Paddangaav
•  %FILE - De Naam vun de daallaadt Datei ahn Paddangaav
•  %HASH - De eD2k-Pröövsumm vun de daallaadt Datei
•  %SIZE - De Grött vun de daallaadt Datei in Byte
•  %DLACTIVETIME - De Tiet tosamen, de de Daalladen aktiv wöör

Nieg Klöönsnack

Wenn en nieg Klöönsnack start wöör, lett sik een Variabel toornen:

•  %Sender - De Naam vun den Bruker, de den Klöönsnack start hett

Schriefwies

Wenn Du en extern Skript opropen wullt, giff binnen dat Ingaavfeld den Skriptnaam tosamen mit de optschonaal Variabel in, t.B. as:

MyScript.sh %NAME %FILE %HASH %SIZE "%DLACTIVETIME"

Henwies: Wenn de Dateinaam Leertekens bargt, mutt de Naam vun de Variable in Anföhrenstreken sett warrn:

MyScript.sh "%NAME" "%FILE" %HASH %SIZE "%DLACTIVETIME"

Bitte prööv, dat Dien Skript binnen Dien PADD liggt, un de Paddnaam ünnerstütt warrt.

Bispeel

Hier en Konsoolskript vun Ezeltje ut dat [1], dat Di jümmers en Nettbreef sendt, wenn en Daalladen beendt is. Wenn Du dat Skript bruken wullt, giff Dien Nettpostadress na de tohören Steed binnen dat Skript in un seker dat na Dien PADD. Achteran föög disse Reeg

doneDL.sh "%NAME" "%FILE" %HASH %SIZE "%DLACTIVETIME"

op de Begeefnis-Siet för Karnbefehlen to. Dat Skript warrt jümmers opropen, wenn aMule en Daalladen beendt hett.

 #!/bin/bash
 #
 # doneDL.sh - Sendt Di en Nettbreef wenn en Daalladen beendt is
 # Bruuk dit mit aMule sien Begeefnisfunkschoon
 #
 # Oproop mit: doneDL.sh "%NAME" "%FILE" %HASH %SIZE
 #
 # Giff hier Dien Nettpostadress in:
 eMail=
 #
 NameShort=$1
 NameLong=$2
 Hash=$3
 Size=$4
 DlActiveTime=$5
 {
 echo aMule hett dissen Daalladen beendt:
 echo -----------------------------------
 echo
 echo File: "$NameLong"
 echo Hash: $Hash
 echo -n "Time: "
 date | awk '{print $4 " " $5}'
 echo -n Size: $Size bytes 
 if [ $Size -gt 102400 ] ; then echo " ("$(($(($Size / 1024)) / 1024)) "Mb)" ; fi
 echo Dowload Active Time: $DlActiveTime
 echo
 echo --------------------------------------------------------------------
 cas
 echo -n "Resident memory: "
 echo $(ps u -C amule --no-headers | awk '{print $6}') kB
 echo -n "Virtual memory:  "
 echo $(ps u -C amule --no-headers | awk '{print $5}') kB
 echo --------------------------------------------------------------------
 } | mail -s "$NameShort" $eMail